Informaziuns votaziuns dils 18-6-2023
Credit "la pendenta"
Ils 18 da zercladur 2023 ha la populaziun da Mustér da votar sur dad in credit da frs 390'000.- per il project dad ina punt pendenta cun il num "la pendenta" sur il giuven Rein naven da sontga Gada tochen Mumpé Medel. Cheusut anfleis Vus differentas informaziuns davart quella fatschenta.
In perschuadiu GIE a quella damonda da credit munta ina considerabla contribuziun tier il svilup da nossa regiun!
Vossas damondas e rispostas
Il motiv principal per la damonda alla vischnaunca ei igl access liber alla punt per in e scadin. Senza ina sort taxa d'entrada sa la punt buca generar entradas ed ei aschia negin object
d'investiziun rentabla per invesurs. Las contribuziuns da sponsurs e donaturs sebasan sulettamein sin beinvulientscha ed emoziuns e san buca vegnir restitui. Secapescha ei aschia il
diember da sponsurs limitaus e cun ina cumpart da 45% gia fetg aulta per ina infrastructura communala.
L’ altezia dalla damonda per la contribuziun da vischnaunca sebasa sin la contribuziun dil cantun Grischun (30%) e sin il fatg ch'il maun public astga separtizipar cun dapli che la mesadad per in project public. Quels dus aspects, ensemen cun la cumparegliaziun dalla finanziaziun da semegliontas punts, han muentau ils responsabels tier la damonda da 25% per la vischnaunca da Mustér.
Ils frs 390'000.- ein da capir sco plafonament da cuosts (Kostendach)! En cass ch'ei reussescha als responsabels da recaltgar dapli che planisau tier sponsurs, donaturs ni fundaziuns, sesminuescha la contribuziun dalla vischnaunca conform alla summa recaltgada supplementarmein. Era cun la contribuziun dalla vischnaunca cala l'uniun la pendenta buca da recaltgar daners.
Las vischnauncas vischinontas han per part era mussau interess da sustener la pendenta, fan denton dependent lur contribuziun alla contribuziun dalla vischnaunca da Mustér. Era per las fundaziun ei la contribuziun dalla vischnaunca in' impurtonta cefra da clav.
L’ altezia dalla damonda per la contribuziun da vischnaunca sebasa sin la contribuziun dil cantun Grischun (30%) e sin il fatg ch'il maun public astga separtizipar cun dapli che la mesadad per in project public. Quels dus aspects, ensemen cun la cumparegliaziun dalla finanziaziun da semegliontas punts, han muentau ils responsabels tier la damonda da 25% per la vischnaunca da Mustér.
Ils frs 390'000.- ein da capir sco plafonament da cuosts (Kostendach)! En cass ch'ei reussescha als responsabels da recaltgar dapli che planisau tier sponsurs, donaturs ni fundaziuns, sesminuescha la contribuziun dalla vischnaunca conform alla summa recaltgada supplementarmein. Era cun la contribuziun dalla vischnaunca cala l'uniun la pendenta buca da recaltgar daners.
Las vischnauncas vischinontas han per part era mussau interess da sustener la pendenta, fan denton dependent lur contribuziun alla contribuziun dalla vischnaunca da Mustér. Era per las fundaziun ei la contribuziun dalla vischnaunca in' impurtonta cefra da clav.
Ils motivs per la midada dalla planisaziun finanziala ha da far cun plirs aspects:
- La decisiun finala pertuccont l'entrada libra ei curdada igl atun 2022. Avon era ei aunc buca clar schebein la punt pendenta vegn a generar entradas.
- Il potenzial da sponsorings sempels, senza restituziun dall'investiziun, ei vegnius surschazegiaus da nus all'entschatta dil project. Quei ei vegniu curregiu cun il concept da finanziaziun actual.
- Il schazetg dils cuosts da project era pli bas che las offertas ein stadas la finfinala.
Tactica da salami munta, ch'ins less il davos tut, la damonda succeda denton mo en transchas. Quei ei tier la pendenta buca il cass.
Per saver far ils emprems studis per la pendenta ha l’ uniun basignau capital. Egl onn 2019 ha la suprastonza concediu in credit en pliras fasas tenor la procedura dil project. Oz savein nus, grazia al credit, presentar in project ch’ei semtgaus per la realisaziun cun cuosts moderats per la vischnaunca.
Egl onn 2019 era il schatzetg da cuosts, sco era autras cumparts dil project, buca aunc definai detagliau avunda, per saver dumandar in credit sur igl entir project ora.
Sche la vischnaunca havess stuiu realisar il project, fussan tut ils sponsuradis (45%-> ca. 850'000 Fr.) curdai a quen alla vischnaunca. Supplementar igl engaschi persunal dils commembers dall’uniun cun bia uras da lavur buca indemnisadas, che aulza la valeta monetara dil project sin varga 2 milliuns francs.
Per saver far ils emprems studis per la pendenta ha l’ uniun basignau capital. Egl onn 2019 ha la suprastonza concediu in credit en pliras fasas tenor la procedura dil project. Oz savein nus, grazia al credit, presentar in project ch’ei semtgaus per la realisaziun cun cuosts moderats per la vischnaunca.
Egl onn 2019 era il schatzetg da cuosts, sco era autras cumparts dil project, buca aunc definai detagliau avunda, per saver dumandar in credit sur igl entir project ora.
Sche la vischnaunca havess stuiu realisar il project, fussan tut ils sponsuradis (45%-> ca. 850'000 Fr.) curdai a quen alla vischnaunca. Supplementar igl engaschi persunal dils commembers dall’uniun cun bia uras da lavur buca indemnisadas, che aulza la valeta monetara dil project sin varga 2 milliuns francs.
Las cefras publicadas da frs 10'000.- per onn per il manteniment sebasan sin las indicaziuns dils responsabels dalla Gomsbridge a Fürgängen (VS). Quella punt ei pli u meins ina copia da
la pendenta e sesanfla sin la medema altezia sur mar (tuttina bia neiv). La gronda part dils cuosts pertucca la dismessa da neiv.
Tier la Gomsbridge san ils cuosts da manteniment vegnir cuvri cumpleinamein entras donaziuns dils visitaders (code da QR da mintga vart dalla punt).
Tier la Gomsbridge san ils cuosts da manteniment vegnir cuvri cumpleinamein entras donaziuns dils visitaders (code da QR da mintga vart dalla punt).
La cumpart da 25% dalla vischnaunca da Mustér semetta ensemen ord il credit per il preproject da frs 90'000.- e la damonda per il credit da realisaziun da frs 390'000.-. Credits entochen
frs 500’000.- schaien tier la vischnaunca da Mustér ella cumpetenza dil cussegl da vischnaunca. Ils responsabels dalla punt, ensemen cun la suprastonza communala, han buca vuliu surpassar
il cussegl da vischnaunca e tener en las vias usitadas.
Il cussegl da vischnaunca havess era giu la pusseivladad da pretender ina votaziun communala, ha denton desistiu da quella pusseivladad. Era ina scursaniziun dalla contribuziun dalla vischnaunca sin frs 290'000.- ei vegnida refusada dil cussegl da vischnaunca cun 11 encunter 2 vuschs (ina abstenziun).
Il cussegl da vischnaunca havess era giu la pusseivladad da pretender ina votaziun communala, ha denton desistiu da quella pusseivladad. Era ina scursaniziun dalla contribuziun dalla vischnaunca sin frs 290'000.- ei vegnida refusada dil cussegl da vischnaunca cun 11 encunter 2 vuschs (ina abstenziun).
Tenor la suprastonza communala eis ei supportabel da purtar quei credit. La suprastonza communala ei dil meini, che la populaziun da Mustér survegn cun la pendenta ina purschida
attractiva per mo 25% dils cuosts totals d'investiziun dad 1.9 milliuns. Ei fuss donn da buca nazegiar quella pusseivladad.
Medemamein periclitescha ni retarda la contribuziun per la pendenta tenor la suprastonza communala negins auters projects dalla vischnaunca da Mustér.
Medemamein periclitescha ni retarda la contribuziun per la pendenta tenor la suprastonza communala negins auters projects dalla vischnaunca da Mustér.
En cass ch'il credit vegn refusaus, sa la vischnaunca da Mustér buca separtizipar vid il project. Negina contribuziun dalla vischnaunca da Mustér munta ch'il concept da finanziaziun sto
vegnir mess sil tgau.
Senza contribuziun dalla vischnaunca da Mustér ein medemamein las contribuziuns dallas autras vischnauncas fetg periclitadas, damai che lezzas sedrezzan secapescha suenter la vischnaunca da Mustér. Era per las fundaziuns ei la contribuziun dalla vischnaunca ina cefra da clav. Quei che pertucca la contribuziun dil cantun ein ils responsabels aunc vid sclarir. Tgei ch'ins sa gia oz ei, ch'il cantun sa buca promover projects ch'ein drizzai ora sin gudogn. Quei fuss il cass sch'ei vegness a quella, che la punt sa mo vegnir finanziada sch'ella generescha entradas (p. ex. entras ina taxa d'entrada).
Tutpriu san ins dir, che la realisaziun seretarda segiramein per plirs onns. Igl ei era bein pusseivel che la finanziaziun ei buca realisabla e la pendenta aschia periclitada.
Senza contribuziun dalla vischnaunca da Mustér ein medemamein las contribuziuns dallas autras vischnauncas fetg periclitadas, damai che lezzas sedrezzan secapescha suenter la vischnaunca da Mustér. Era per las fundaziuns ei la contribuziun dalla vischnaunca ina cefra da clav. Quei che pertucca la contribuziun dil cantun ein ils responsabels aunc vid sclarir. Tgei ch'ins sa gia oz ei, ch'il cantun sa buca promover projects ch'ein drizzai ora sin gudogn. Quei fuss il cass sch'ei vegness a quella, che la punt sa mo vegnir finanziada sch'ella generescha entradas (p. ex. entras ina taxa d'entrada).
Tutpriu san ins dir, che la realisaziun seretarda segiramein per plirs onns. Igl ei era bein pusseivel che la finanziaziun ei buca realisabla e la pendenta aschia periclitada.
Tgei che schabegia cun la contribuziun dil cantun en cass ch'il credit dalla vischnaunca vegn refusaus ein ils responsabels aunc vid sclarir. Tgei ch'ins sa gia oz ei, ch'il cantun sa
buca promover projects ch'ein drizzai ora sin gudogn. Quei fuss il cass sch'ei vegness a quella, che la punt sa mo vegnir finanziada sch'ella generescha entradas (p. ex. entras ina taxa
d'entrada).
Documents
Messadi votaziun dils 18 da zercladur 2023
Broschura la pendenta
Concept turistic "la pendenta"
Presentaziun concept turistic
Tgei plaida per "la pendenta"?
- Colligiaziun segira per Mumpé Medel, independent dil traffic d'autos
- Colligiaziun pli cuorta e cun access al traffic public regulau
- Access da Mustér a Mumpé Medel e Val Medel en cass da malauras e serrada dalla via Lucmagn
- La pli liunga punt pendenta dil Grischun sco attracziun cun irradiaziun naziunala
- Augment dall'attractivitad turistica da nies vitg e nossa regiun
- Susteniment per il commerci e per la gastronomia indigena
- Nova colligiaziun da viandar enviers sid
- Valurisaziun dallas perdetgas dil temps, sendas e historias da nossa regiun
- Pusseivladad da carmelar hosps da vacanzas el vitg ed a Mumpé Medel
Concept da finanziaziun
Cun ina contribuziun da MO 25% DILS CUOSTS D'INVESTIZIUN sa la vischnaunca da Mustér surprender in project da gronda muntada per l'entira regiun!
Stan actual finanziaziun matg 2023
Cun dar suatientscha alla damonda da credit eis ei pusseivel all'uniun da recaltgar tier vischnauncas vischinontas, fundaziuns e tier sponsurs e donaturs la finanziaziun che maunca.
ENGRAZIEL PER VIES SUSTENIMENT!
AVIS:
Ils cuosts per la reclama da votaziun vegnan surpri da persunas privatas. La reclama caschuna negins cuosts all'Uniun la pendenta.
Kontakt/contact
Uniun la pendenta
c/o Christian Loretz
Via Denterpraus 15
7186 Segnas
Bankverbindung
CH37 8080 8008 8968 6252 4
Uniun la pendenta
c/o Christian Loretz
Via Denterpraus 15
7186 Segnas
