Informaziun publica

- Gievgia, ils 26 da matg 2022 allas 20:00

- Sala Peter Kaiser claustra Mustér

La punt pendenta sur il Rein naven da sontga Gada entochen Mumpé Medel, numnada «la pendenta», ei gia vegnida tractandada intensivamein dallas autoritads politicas da nossa vischnaunca e dil cantun. Bugen orientein nus la populaziun dalla regiun sur dil stan actual dil project e stein bugen a Vossa disposiziun per rispunder a damondas.

Cordial beinvegni sin la pagina da web dall’Uniun la pendenta !

Il project dad ina punt pendenta sur il giuven Rein naven da sontga Gada tochen Mumpé Medel stat sin territori dalla vischnaunca da Mustér ed ei vegnius iniziaus e promovius da persunas privatas dalla regiun. Il project gauda il sustegn dalla vischnaunca da Mustér.

La punt pendenta ei in’attracziun turistica e historica cun ina lunghezia da bunamein 300 meters ed ina profunditad da 100 meters. Ella colligia la vart seniastra cun la vart dretga sur la cuorsa dil Rein anteriur e cumplettescha la bein mantenida via da sauma historica dil pass Lucmagn sur la cavorgia.