La pli liunga punt pendenta el Cantun Grischun

Sin fundament da sia lunghezia (300 meters) e sia profunditad tochen el funs da bunamein 100 meters s’auda la punt pendenta a Mustér, numnada la pendenta, che meina sur il Rein anteriur, eifer las punts pendentas svizras tier las pli spectacularas.
Ina punt pendenta ton bein contonschibla ed impressiunonta ha ina muntada extraordinaria sco purschida turistica. Tals objects da tonta lunghezia survegnan ellas medias savens menziun per excursiuns da famiglias.

Per l’attracziun turistica ein ils suandonts aspects relevants:

• Contonschibladad sempla senza gronda pendenza naven d’in parcadi ni staziun da traffic public (max. 30 minutas)
• Cuntrada attractiva respectiv project spectacular
• La historia significonta ch’ensiara la punt en ina muntada

Il project La pendenta a Mustér porscha ils facturs numnai a moda ideala. Naven dalla staziun dalla Viafier Matterhorn-Gothard respectiv dils parcadis d’autos el center dil vitg e maneivel dil Center Fontauna ei la pendenta contonschibla a pei en 10 minutas, quei senza surmontar ascensiuns e descensiuns. La traversa spectaculara dalla cavorgia «pintga» dil Rein sper Mustér sin ina punt pendenta colligia las varts dalla bein mantenida via da sauma historica. Quei fatg porscha agl edifeci effects denter niev e vegl cun integrar la punt ella historia raquintada ella regiun ed entras realisar  purschidas turisticas actualas e nizeivlas per in e scadin.

En Surselva sura ei il Rein element central da promoziun da recreaziun e sport. La punt pendenta da sontga Gada a Mustér munta ina attracziun singulara ed ina purschida supplenmentara per il turissem dall’entira regiun. La muntada dil Rein sco element ligiont ton sil sectur da crear products mo surtut da communicaziun survescha surtut era da cooperar cun ulteriuras organisaziuns da turissem ella regiun dil Rein el Grischun